لدوف به‌رنامێ هاتیه‌ دارێتن بو ره‌وشه‌نبیركرنا لاوان و ئاگه‌هداركرن لسه‌ر بارودوخێ ئه‌ڤرو، ناڤه‌ندا سه‌رهلدان یا چالاكى و پێگه‌هاندنا لاوان یا سه‌رب ناڤه‌ندا بالا دهوك یا ئێكه‌تیا لاوێن دیموكراتا كوردستانێ ، رابو ب سازكرنا سمیناره‌ك بۆ رێزدار (سه‌ربه‌ست له‌زگین)به‌رپرسێ لقا ئێك یا پارتى دیموكراتى كوردستان رێكخست.
دڤێ سمینارێ دا به‌رپرسێ لقێ ئێك به‌حسێ بارودوخێ ئه‌ڤرو یێ كوردستانێ و ئێراقێ و ره‌وشا پێشڤه‌چونا كوردستانێ دهه‌مى بواران و گرنگى دانا وه‌لاتێن بیانى ب كوردستانێ كر و ئاماژه‌ ب رولێ رێكخراوێن جه‌ماوه‌رى كر ژبو خزمه‌تكرنا وه‌لاتى و بتایبه‌ت ئێكه‌تیا لاوان وه‌كو رێكخراوه‌كا جه‌ماوه‌رى یا چالاك ولسه‌ر ده‌مێ شوره‌شێ مل بملێ پێشمه‌رگه‌ى خه‌بات دكر بو ئازادى یا ئه‌ڤرو و پشته‌ڤانیا خو دیاركربو لاوێن ڤان تاخان ئه‌و چه‌نده‌ژى دیاركر هه‌مى ده‌ما پارتى پوته‌یه‌كێ مه‌زن دایه‌ ته‌خا لاوان وه‌كى هێزكا پاشه‌روژێ بو وه‌لاتى .
ل دوماهیكا سمینارێ ده‌رگه‌هێ دانوستاندنێ هاته‌ ڤه‌كرن ، تێزانین دڤێ سمینارێ دا هژماره‌كا كارگێرو ئه‌ندامێن لقا ئێك وهێژا(دلشاد ابراهیم) به‌رپرسێ ناڤه‌ندا باڵا دهوك یا ئێكه‌تیا لاوێن دیموكراتا كوردستانێ وكارگێرێن ناڤه‌ندا باڵا به‌رهه‌ڤ ببون كو بو (150)لاوێن كچ هاته‌ پێشكێشكرن.