لقێ ئێك:
تهرمێ جومعه رێكانى كارگێرێ لقێ 18 یێ پارتى پشتى چوار رۆژان مایه د بنێ ئاڤا روبارێ شین دا ل دهڤهرا رێكانیا یا سهر ب قهزا ئامێدیێ ڤه ب دوراتیا 4 كێلومهتران ل دانگا ئاڤا مارك ل گوندێ سیته ل ئێڤاریا رۆژا دوهى 27/7/2010 ژ لایێ چهند گهنجهكان ڤه هاته دیتن.
ئێڤاریا رۆژا ئهینى 23/7/2010 جومعه رێكانى دهمێ خوه ئێخستیه د روبارێ شین دا ل نێزیك گوندێ سیدان دئهنجامدا د ئاڤێ دا خهندقى و رۆژانه ب هزارههان كهس ژ وهلاتیێن دهڤهرێ و بهرپرسێن حزبى و حكومى و تیمێن غهواسێن زاخو و ئاكرێ و دیانا و موسل و چهندین جهێن دیتر ل تهرمێ ناڤبرى دگهریان، تا ئێڤاریا رۆژا 27/7/2010 هاته دیتن.
تهرمێ خودێ ژێ رازى ، ب ئامادهبوونا "محمد محسن" بهرپرسێ لقێ 18 و هژمارهکا ههره زور یا خهلكێ دهڤهرێ ل گورستانا باگێرا هاته ڤهشارتن.
رۆژا چوار شهمبی رێکهفتی 29 / 7 / 2010 ێ ئێکهمین روژا بههیا خودێ ژێ رازی یه و ل مزگهفتا باگێرا بههیا وی دێ هێته دانان.
|
