لقێ ئێك:
به‌رده‌وامى دان ب به‌رنامێ لژنا ناوچا دهوك یا پارتى دیموكراتى كوردستان ژ بو كور و سمینارێن ره‌وشه‌نبیرى روژا 27/7/2010 و لده‌م ژمێر 12نیڤرو مسته‌فا هیرو به‌رپرسێ لیژنا ناوچا دهوك، سمیناره‌ك ل دور ره‌وشا كوردستانێ و عیراقێ و رولێ رێكخستیێ پارتى د ئاڤاكرن و به‌شدارى كرنێ د پروسێسا دیموركراسى دا ل كوردستانێ و ئه‌ركێ دكه‌ڤیته‌ لسه‌ر ملێن ئه‌ندامێ پارتى بۆ پێشڤه‌برنا سه‌ربورا كوردستانێ و راگرتنا ده‌ست كه‌فتیێت هه‌ین، بۆ هژماره‌كا رێكخستیێن سه‌ر ب رێكخراوا خه‌بات ڤه‌ پێشكێش كر.
د ته‌وه‌ره‌كێ دى دا به‌رێزى به‌حسێ رولێ رێكخستیێ پارتى د شوره‌شێن كوردى دا كر نه‌خاسمه‌ د شوره‌شا ئه‌یلول و گولانێ و سه‌رهلدانا پیروز و گۆت:( ئه‌ڤرۆكه‌ دڤێت پتر خو تێبگه‌هینیت و خو پێشڤه‌ببه‌ت بۆ ئاڤاكرنا وه‌لاته‌كێ ساخله‌م و كه‌سایه‌تیه‌كێ ب هێز د هه‌مى واراندا،پاشان ده‌رگه‌هێ دان و ستاندنێ و گه‌نگه‌شێ هاته‌ ڤه‌كرن و به‌رسڤ لسه‌ر هاتنه‌ دان و خوشحالیا خو دا دیار كرن بو ڤان جوره‌ خرڤه‌بونا.