کادرێ دهستههل و ژێهاتی یێ لقـــێ ههژده یێ پارتی دیموکراتی کوردستان ب خهم و کوڤان ڤه ل روژا ئــــینی رێکهفتی (23 / 7 / 2010) ب رویدانهکا دل تهزین ل رویبارێ ریێ شین ل گوندێ "سیدا" دهڤهرا رێکانیا ل دهمژمێر ســـی (3) ی پشتی نیڤرو كو ژبو گهشتهکێ چووبوو وێ دهڤهرێ دگهل خێزان و ههڤالێن خو و ژبهر گهرما هاڤینێ خو ئێخستیه رویباری و دگهل پێلێن رویباری نوقو بوویه و گیانێ خو ژدهست دایه .
ههڤال "جمعه مرتیخان سلتان" کو ههردهم ب ناسناڤێ "جمعه رێکانی" دهاته نیاسین ، خهلکێ گوندێ (هنشێ) ل دهڤهرا رێکانیا ل سالا 1972ێ هاتیه سهر دونیایێ، دگهل خێزانێن رێکانیا ئیناینه دهڤهرا دوسکیا و ل کومهلگهها باگێرا ئاکنجی بووینه و ههر ل کومهلگهها ناڤبری خویندنا خو یا سهرهتایی ب دویماهیک دئینیت و خویندنا خو یا ناڤنجی ل سهنتهرێ ناحیا زاویته بدویماهیک دئینیت و خویندنا خو یا ئامادهیی ل ئامادهییا "چرا" ل دهوکێ بدویماهیک دئینیت ، خویندنا خو یا کولیژێ ل زانکویا (صلاح الدین) کولیژا ئادابێ بهشێ جوگرافیا ل سالا 1996-1997 بدویماهیک ئینایه ، ئێك بوویه ژ ئهندامێت ئێکهتیا قوتابیێت کوردستانێ ل زانکویا صلاح الدین و یێ خوشتڤی بوویه ل دهف ههڤال و هوگرێن خو ، پشتی خواندنا خو یا زانکویێ بدیماهی ئیناى ل ئامادهییا کومهلگهها "باگێرا" دبیته وانهبێژ و پاشی ل ئامادهییا کاوه ل دهوکێ وانا دبێژیت و ههر دوی دهمی دا دگهل سوپایێ ئێک ل دهوکێ دبیته ئهندام پشکا رێکخستنێ ، و لدویڤدا دهێته ڤهگوهاستن بو هێزا تایبهت ل زاویته و پاشی ل کومهلگهها "ئیبراهیم خلیل" ب پلا "نهقیب" ل پشکا رێکخستنێ کار دکهت ، پاشان ل فهرماندا دهوک وهک ئهندامێ پشکا رێکخستنێ کارێ خو ئهنجام ددهت ب پلا "پیشهنگ" وهردگریت ، و ل دهست پێکا دامهزراندنا ( لقـــــــ 18ــــــا ) یا پارتی دیموکراتی کوردستان وهک کارگێرێ لقێ ل نڤیسینگهها رێڤهبهریێ کار دکهت ، پشتی بورینا دوو سالا ل ههردوو پشکێن دارایی و رێڤهبهری کار دکهتن و ئهرکێ خو ئهنجام ددهت ب باشی ، دبورینا سالان دا سهربورهکا باش لایهنێن لهشکهری و رێکخستنێ و رێڤهبهریێ شارهزایهکا باش پهیدا دکهتن ، ل سالا 2003 پشکداریێ د رزگارکرنا عیراقێ دا دکهت ، ههروهسا پهیمانگهها کادران یا ناوهندی ل ههڤلێرێ ب دویماهیک ئینایه و رهحمهتی خودان خێزانه و بابێ چوار کچ و کورهکی بوو ، خودێ ژێ رازی "جمعه ڕێکانی" ژکادرێن دلسوزێن پارتی دیموکراتی کوردستان بوو و بو ههر کارهکی ئهگهر هاتبا راسپاردن ب دلسوزی کارێ خو ئهنجام دا.
ژێدهر:مالپهرێ دهڤهرا ئامێدیێ
|
