لقێ ئێك:
د رێوره‌سمه‌كێ ژ هه‌ژى دا قوتابیا سه‌ركه‌فتیا ئێكێ ل پۆلا دوازدێ ئاماده‌یى ل سه‌ر ئاستێ هه‌رێما كوردستانێ ( لاڤه‌ عه‌لا هانى) بۆ سالا خواندنێ 2009-2010 ل رۆژا 21/7 ب خه‌لاتێ شانازیێ یێ لقێ ئێك پارتى دیموكراتى كوردستان هاته‌ خه‌لاتكرن.

د روونشتنه‌كێ دا كو به‌رپرسێ لقێ دهۆك یێ (ى،ق،ك) و سه‌میانێن سه‌ركه‌فتیان ئاماده‌ببون، سه‌ربه‌ست له‌زگین به‌رپرسێ لقێ ئێك (خه‌لاتێ شانازیێ) یێ تایبه‌ت ب لقێ ئێك ڤه‌ پێشكێشى قوتابى لاڤه‌ عه‌لا هانى كر كو شیاى ل پۆلا دوازدێ زانستى ب كومكرنا 693 نمران پلا ئێكێ ل سه‌ر ئاستێ هه‌رێمێ بده‌ستڤه‌ بینیت.

هه‌ر دهه‌مان رێوره‌سمدا سه‌ركه‌فتیێن دوێ و سیێ ل سه‌ر ئاستێ پارێزگه‌ها دهۆكێ، رێزان نزار دادود 97.5 % و ئالا عومه‌ر عه‌لى 97% ژ ئالیێ لقێ ئێك ڤه‌ هاتنه‌ خه‌لاتكرن.

به‌رپرسێ لقێ ئێك د په‌یڤه‌كێ دا پیروزباهیێن گه‌رم ئاراسته‌ى سه‌ركه‌فتیان كر و ده‌ستخوشى ل سه‌میانێن قوتابیان كر كو پالده‌رێن سه‌ره‌كى بووینه‌ بۆ ڤێ سه‌ركه‌فتا وان و دیاركر كو ئه‌ڤ سه‌ركه‌فتنه‌ جهێ شانازى و رێزگرتن و سه‌ربلندیا پارێزگه‌ها دهۆكێ یه‌.

ژ لایێ خوڤه‌ سه‌ركه‌فتیا ئێكێ سوپاسیا لقێ ئێك كر بۆ ڤێ خه‌لاتێ شانازیێ و دیاركر كو دێ به‌رده‌وامیێ ب خواندنا خوه‌ ده‌ت ل كۆلیژا نوژدارى یا زانكویا دهۆك داكو بشێت ل ئاینده‌ى دا ب رێیا زانستى خۆ خزمه‌تا گه‌ل و وه‌لاتێ خوه‌ بكه‌ت.

كارگێریا لقێ ئێك بڕیار دایه‌ خه‌لاتێ شانازیێ پێشكێشى وان كه‌سان بكه‌ت یێن سه‌ركه‌فتنو داهێنانه‌كا به‌رچاڤ پێشكێشى پارێزگه‌ها دهۆكێ بكه‌ن كو جهێ سه‌ربلندیا خه‌لكێ پارێزگه‌هێ بیت.