لقێ ئێك:
رۆژا 20-7 ئێكهتیا نڤێسهرێن كورد تایێ دهوك سێیهمین فیستهڤالا رهوشهنبیری گێرا كو تێدا نوێنهرێ سهروكێ ههرێما كوردستانێ فهلهكهدین كاكهی و د.كاوه مهحمود وهزیرێ رهوشهنبیری و لاوان و نوێنهرێ سهروكێ حكومهتا ههرێما كوردستانێ و بهرپرسێ لقێ ئێك و هژمارهكا نڤێسهر و رهوشهنبیرێن كورد و بیانی بهرههڤبوون.
ل دهسپێكێ ب گوتنا سرودا ئهی رهقیب ئامادهبویى ماوهكی راوهستیان بو رێزگرتنا گیانێ پاكێ شههیدان، پاشان چهندین پارچه موزیكێن كوردی ژلایێ هونهرمهندان (عزهدین تهمو وئیحسان میكائیل هاتنه ژهننین، پاشان چهندین پهیڤ هاتنه پێش كێشكرن وهكی پهیڤا حهسهن سلێڤانهیی سهروكێ ئێكهتیا نڤێسهرێن كورد تایێ دهوك وتێدا بهحسێ كارو چالاكیێن لقێ دهوك كرن و دیاركر ل وهرزێ خویێ رهشهنبیری دا 193 پهرتوكێن جوراوجور چاپكرینه ئهو ژی ژ وهشانێن نڤێسهرێن كورده،ههروهسا پتر ژ 250 پهرتوك بو گهنجان چاپكرینه و سوپاسیا حكومهتا ههرێما كوردستانێ كر بو هاریكاری كرنا وان بو ئهنجامدانا ئهڤێ ڤیستهڤالێ و دیاركر ئارمانج ئهوه كو پرهكا رهوشهنبیری د ناڤبهرا ههرێما كورستانێ و رهوشهنبیر و نڤێسهرێن بیانی دا دروست ببیت.
دیڤدا نوێنهرێ سهوكێ ههرێما كوردستانێ پهیڤهك پێش كێش كروتێدا سلاڤێن سهروكێ ههرێما كوردستانێ ئاراستهی ئامادهبویان كرن و دیاكر ئهڤروكه دهوك مل بملێ باژێرێن ههولێرو سلێمانی ئاستێ رهوشهنبیری بهرڤ پلێن بهرز دبهت و دیاركر ئێكهتیا نڤێسهرێن دهوكێ زورچالاكی ئهنجامداینه وهكی گێرانا كورو سمیناران وچهندین چالاكیێن دن، ههروهسا دیاركر ل سالا 1995 ئێكهم ڤیستهڤالا رهوشهنبیریا دهوك هاتیه گێران، پاشان د.كاوه مهحمود وهزیرێ رهوشهنبیری ولاوان بناڤێ سهروكێ حكومهتا ههرێما كوردستانێ پیروزباهی ل ئامادهبویان كرن و خاست كو ئهڤ ڤیستهڤاله ببیته بهرههمهك بو بهێزكرنا رهوشهنبیریا كوردی و دیاركر حكومهتا ههرێما كوردستانێ گهلهك گرنگی دایه تهخا نڤێسهران .
ل هولا پانوراما ئازادیێ پێشانگهههكا شێوهكاری و پهیكهرسارزی هاته ڤهكرن، دڤێ پێشانگههێ دا 12 هونهرمهندا پهیكهرو تابلویێن شێوهكاری نمایش كربون و ئهڤهژی ببو جهێ سرنج راكێشا ئامادهبویان.
ڤیستهڤالا سیێ یا رهوشهنبیریا یا دهوك دێ بوماوێ سێ روژان یابهردهوام بیت و تێدا دێ چهندین تهوهرێن گرێدای كورو سمینارو ههلبهست خاندن و رهوشهنبیری هێنه گێرا. |
