نووترين نووچه
دەستپگ / كوردستان / دیموکراسیەت و ئاشتی نیشانێن شارستانیەتێ یە تێکدان و وێرانکرن نیشانێن پاشڤەمانێ نە

دیموکراسیەت و ئاشتی نیشانێن شارستانیەتێ یە تێکدان و وێرانکرن نیشانێن پاشڤەمانێ نە

داخاز و ماف بسوتن و وێرانکرنێ پاشڤەمانێ نیشا جیهانێ ددەت فەهمی بالایی خوپیشاندان  ئێکە ژ دیاردێن جەماوەری بشێوەیەکێ رێکخستی داخوازا مافێن خوە بکەن. لێ دڤێت دچارچوڤەیا پاراستنا مافێ مرۆڤی دا بیت و دویر ژ تێکدان و وێرانکرنێ. ژبەرکو ئەڤ مافە لگوری زاگونێن نێڤ دەولەتی هاتیە دان و پشتەڤانی لێ هاتیە کرن. دڤێت خەلکێ مە لگوری شێوەیێن دیموکراسی و شارستانەتانە ڤان چالاکیا بکەن. ژبەر کو ئەڤە نە مافەکێ رەهایە کو هەر تشتێ ئەو بخوازن وەک وان بیت. بشیوەیێ پرۆژە و رێکخستی وەک کومیتەک دێ لگوری وەلات. جهو دەم و داخوازان بشێوەیەکێ نڤێسکی ئاراستەی جهێن پەیوەندیدار کەن و ئەوژی دڤێت بەرسڤا وان بدەن کا دێ داخوازێن وان بجهئینن یان نە. ژبەر وێژی د وەلات و جڤاکێن دور ژ دیموکراتیەتێ گەلەک جارا دبنە ئەگەرا ئالوزی و خرابکرن و تێکدانێ. ئەڤرۆ رەوشا هەرێما کوردستناێ گەلەک دقوناغەکا هەستیاردا دەرباز دبیت. ژئالیێ سیاسی، لەشکەری، ئابوری و جڤاکی ڤە. ژبلی رەوشا دەولەتێن دەوروبەر بدەرفەت دزانن ئاژاوە زێدەببیت و ئالوزی پەیدا ببن. باشتر ئەوە بهەستەک نیشتیمانی و بەرپسیارانە سەرەدەری ژلایێ خوەپیشاندەر و دەزگەهێن حکومی دگەل ئێک بهێتە کرن. بتایبەت گەنج و کەسێن بەشدار دبن دڤێت بئەقل و بەرپسیاری نێزیکی ڤان جورە چالاکیان ببن. ئەڤە نەتشتەکێ نویە بەلکو ل بەریتانیا دچاخێ سێزدێ دا لبەرامبەر مەلکا خوەپیشاندان هاتن کرن و سالا ١٧٨٩ دشورەشا فرەنسی دا خەلکی داخوازا مافێن خوە کر و لئەمەریکا و سەرانسەر جیهانێ دهێنە کرن. ئەڤ جورە شێوەیێن ژلایێ هند گەنج و کەسان ل دەڤەرا سلێمانیێ دهێتە کرن ، داخازێ ژ گەنجێن دەڤەرا بادینان و دەڤەرێن دی دکەین کو خاندنەکێ بدەن ڤێ رەوشێ و ڤێ قوناغا هەستیار پێشچاڤ بگرن و ببن هاریکارێن ئاڤاکرنێ و نەهێلن دەستێن دەرەکی و بێ بەرپسیارانە بەشداری ڤان جورە کارا ببن. لێ بشێوەیێن دیموکراتیانە و شارستانیانە دویر ژ تێکدان و سوتن و وێرانکرنێ.هیڤیدارین ژ گەلێ مە کو رێ ل خرابکرن و وێرانکرن و سوتنا بارەگا و دەزگەهین حزبی و حکومی بینن، بشیوەیێن دیموکراتیانە داخوازێن خوە بکەن و رەوشا گەلێ کورد پێشچاڤ بگرن.

 

نەڤ بابەتە (55) جارا هاتيە خواندن

کومینت هاتیە گەرتن.

إلى الأعلى