نووترين نووچه
دەستپگ / گووتار / پشتی گشتپرسی !

پشتی گشتپرسی !

بەغدا ب لە ز کوردستانێ بەر ب راگەهاندنا ده‌ولەتێ ڤە دبەت
 
محەمەد حەیران.
پشتی (٢٥) سالێن حوکمرانی ل هەرێما کوردستانێ ، ل گەل هەلبژارتنین دیرۆکی ل سالا (١٩٩٢) و پێکئینانا پەرلەمانی وحوکمەتا نیشتمانی، کوردستانی شیانێن خوە بریڤە برن ئیدارەکرنا وەلاتی بهێزکرن، ل سەر وی دژاتی و ناکۆکین ل دەڤەرێ هەی کورد شیان ببنە خودان سەنگ و هیزو بەشکدار د چێکرنا بریارا سیاسی ل عیراقێ و دەڤەرێ ب رەنگەکێ گشتی و ل ناڤا کوردستانی ب رەنگەکێ تایبەت، پێکهاتین کوردستانێ ل تورکمان و کلدوئاشۆری وسریانیان وعەربان، ئایێن و مەزهەب ونەتەوەێن کوردستانێ گەهەشتنە باوەری و پشتراستیەکا موکم کو کورد ل کوردستانێ ب نیازا دانانا دەولەتا هەڤوەلاتیە (دولە المواطنة) پێگەهـ ومالا هەر وەلاتیەکە و دکارن ب ئاسای ژیانا خوە بە ئەرک ماف ڤە ببنە سەر.
ل گەل بریاردانا پارت ولایەنین سیاسی پشتی کۆمبوونەکا چارە ەنڤیسین و گرنگ هاتیە ئەنجامدان ل (٦/٧) ب سەرپەرشتیا سەرۆکێ هەرێما کوردستانێ مسعود بارزانێ و ژبو بەرژەوەندیا گەلێ کورد و کوردستانیان گەهەشتنە وی ئەنجامێ و پێدڤێ، بۆ دۆزا گەلێ کورد و چارەنڤێسێ خەلکی کوردستانێ کو ل (٢٥/٩) رۆژا رێفراندۆمێ و گشتپرسی بۆ سەرخوەبوونێ بهیتە کرن و ل سەرانسەری کورستانێ د گەل دا پاریزگەها کەرکووک و دیالێ و سەلاحەددین و مووسل ل وان قەزا ناحین کوردستانیان.
ل (٢٠٠٣) و پشتی رژێماعیراقی هاتیە ژناڤربن کورد بوونە فاکتەرێن ب هێز بۆ دامەزراندنا دەولەتا عیراقا نوو و چەسپاندنا
دیمۆکراسیەت و بەرقەرارکرنا دستوورێ هەمیشەی بۆ عیراقا نوو هەمی نەتەوە ئۆل و مەزهەب و خەلکی عیراقێ خوە دناڤ دا ببینین و هەست و ژیبوونا نیشتمانی ل نک تاکە کەسێ عیراقی پەیداب بیت!!
لێ بەرو ڤاژی ڤێ چەندێ ، د سالین شەرو پێکدادانین ژ (٢٠٠٦) و هێرڤە، دناڤبەرا عەرەبێن شیعە و سوونە، کورد بوونە لایەنێن خیرو باشی بۆ نێزیککرنا عەرەبین شیعە و سوونە بۆچونێن ژێکجودا و ڤەحەواندنا کەسایەتین سیاسی و وەلاتێن ژ کوشتن و سەربرینا تاێفی و مەزهەبی و ل دوویڤ ژێبوونا سیاسی و ڤەحەواندنا ب ملیۆنان ئاوەرە لێقەومیان ، و حوکمەت هەر جۆار جاران ب هاریکاریا کوردان هاتە پێکئینان.
بو قەرەبۆکرنا ڤێ چەند هەر ژ سەر دەمێ مالکی و هەتا عەبادێ، هەر چەندە کێشەیا مە وەک مللەتێ کورد و خودان دۆزەکا نەتەوەیێ ل گەل ج کەسان نینە، لێ دەستهەلاتدارین بەغدا ب ئاوایەکێ سەرەدەری ل گەل هەرێما کوردستانێ کر، نە پرەنسێپێن دیمۆکراتێ و نە بنەماین شەراکەت و پێکڤە ژیانی د ناڤ دا هاتنە قەبوولکرن و دەستوور پشتگوهـ کر دەست ب کۆدەتا سەربازی کر و دامودەزگەهێن میری و وەزارەت و سازیێن تایبەت ژ کوردان رامالین و دەرکرن و پەرلەمان ب بەهانا زۆرینەی ئیخستە دەستین خوە، کورد و سونەین عەرەب بخوە ژی کرنە دیلکریێن بریاراێن حوکمرانیا شیعەیان ب ئەشکەرا و پالپشتی دەستێ وەردانا دە ولەتا ئیرانێ.
ب پلانەکێ دەڤەرێن عەرەب سوونە کرنە جهێن ناکۆکی و شەرو پیکدادانێ، ب هزاران بوونە
قوربانێ سیاسەتا حوکمەتا تائفی یا بەغدا و ب ملیۆنان بوونە ئاوەر و دەربدەر.
هەر بڤی ئاوای شیان هەتا رادەکێ ململانەکا سیاسی و پارت و هندەک لایەنان ل کوردستانێ ب رێیا پارە و ئیمتیاز و گڤاشتنا وەلاتێن ئەقلیمی بۆ مەرەمێن خوە بکار بینن، ئەمن ئاسایشا هەرێما کوردستانێ تیکبدەن و ل سەر چ پیرۆز ومەترسێن ل سەر وەلاتی رێکنەکەڤن، و ببنە رێگر ل هەر رێکەفتن داخوازەکا سەرۆکاتیا هەرێما کوردستانێ حوکمەتا کوردستانێ، ل بەغدا دکەن.
نەسەیرە پشتی ژلایێ بەغدا ڤە ب بریارەکا تاک کەسانەۆدودجەیا هەرێما کوردسستانێ هاتیە برین و هەرێم تووشی شەرەکێ خوینای پر مەزاختن بووی!؟ ل گەل تیرۆرستێن داعش وان لایەنین سیاسێ کەنالێن راگەهاندنێ ب هەمی شیانێن خوەڤە پشتگریا سیاسەتا بەغدا دکر و خواست داخوازین خەلکی خوە و دەنگدەرێن خوە و پەیرە و پرۆگرامین پارتین خوەپشتگو‌هـ کرن و بوونە تێکدەر وئەگەرێ ژکارکەفتنا پەرلەمانێ و هەتا بگەهیتە وێ رادە یێ کو خەلکێ خوە هانددا دژی سەرخوەبوونا کوردستانێ ومافێ رەواێ کوردستانیان دەنگی ب نەخێر بدەن!!
هەر ل هەمان دەم دا و بەری ئەنجامدانا گشتپرسی پەرلەمانێ عێراقێ دەست ب گەف و گوران کر خوشبەختانە روویێ هەمیان کەربوکینا وان بەرامبەر مافێ گەلێ کورد دیاربوون بو جارا ئیکێ ل پەرلەمانێ عیراقێ عەرەبین شیعە و سونی بوونە ئیک هەلویست و بۆچوون بریار دەرکر و گشتپرسیا گەلێ کورد یێ ب سەدان سالە عێراق ب هەمی جۆرێن ستەم و تاوان و کوشتن وکیما بارنکرن و گۆرێن کۆمکوژی و نانبرینی ووو… زولمێ لێ دبارینیت تێر نەبوینە، سەروک وەزیرێ نەشیای هەتا نوکە حوکمەت و پەرلەمان و وەزارەتێن خوە ل دۆرپێچەکا سەربازی ب ناڤێ (المنطقة الخضراء) دەربیخیت! سەر راستکر و هەمی دەستهەلات دانێ ب هیزو چەک و تەقەمەنیێ دەست ب سەر دەڤەرێن ڤەقەتیای دا بگریت و رێ ل گشتپرسی بگریت و سەرۆک کۆمارو کەسانێن ل بەغدا مایین بهێنە دەرکرن و راگەهاندنا ژناڤبرنا هەڤپشکیی کرو ب داوی هات. رێفراندۆم ب نەشەرعی بناڤکر و برایرین خوە یێن دژێ گەلی کورد بۆ خوە ب شەرعی وەحێ ل قەلەمدان.
بیرا مە ل سالا (١٩٩١) ئینا دەمێ رژێما بەعس هەمی دامو دەزگەهین خوە ڤەکێشای و ل کوردستانێ داکو پرۆسەیا نوو یا حوکمرانیا کوردان سەرنەگریت و شکەستنی بینت وەلاتێن ئەقلیمی و بریارا سیاسیا دەولی پشتگریا کوردان بەردەن رادەستێ رژێما عێراقێ بکەن.
ئەڤە یە و رەفتارو سیاسەتا بەغدا هەر ل کەڤن هەتا نوکە وەکریە گەلێ کورد ب گشتی و کوردستانێ ب تایبەتێ باوەری و پشتراستێن دەستهەلادارین بەغدا نەبووینە.

نەڤ بابەتە (4) جارا هاتيە خواندن

کومینت هاتیە گەرتن.

إلى الأعلى