نووترين نووچه
دەستپگ / Facebook / سه‌ربه‌ست تروانشی: پێدڤی یه‌ هه‌می ده‌نگ و ره‌نگ بۆ سه‌ركه‌فتنا ریفراندۆمێ‌ بن

سه‌ربه‌ست تروانشی: پێدڤی یه‌ هه‌می ده‌نگ و ره‌نگ بۆ سه‌ركه‌فتنا ریفراندۆمێ‌ بن

لقا ئێك:

ل هۆلا باره‌گایێ‌ لقێ‌ ئێكێ‌ پارتی، سه‌ربه‌ست تروانشی به‌رپرسێ‌ لقێ‌ ئێك ئه‌ڤرۆ رێكه‌فتی (10/9/2107) سمیناره‌ك ل دۆر (پرسا ریفراندۆمێ‌ ) بۆ هژماره‌كا ریهسپی و كه‌سایه‌تیێن سنورێ‌ لژنا ناوچا دهۆك پێشكێشكر.
پشتی راوه‌ستیانا ده‌قیقه‌كا رێزگرتنێ‌ ل سه‌ر گیانێ‌ پاكێ‌ شه‌هیدان، سه‌ربه‌ست تروانشی د ده‌ستپێكا سیمنارا خودا دیاركر به‌ری چه‌ند سالان ملله‌تێ‌ مه‌ د كاودانێن سه‌خت و دژوار دا دژیا، و كه‌سێ‌ ده‌ستێ‌ هاریكاری و مروڤایه‌تیێ‌ بومه‌ درێژ نه‌ دكر، به‌لكو ئه‌م ب ملله‌ت ژی نه‌ دیتین، هه‌روه‌سان گوت گه‌لێ‌ مه‌ ژ بچیكترین خال ده‌ستپێكر، وسایه‌یی خوینا شه‌هیدان و خه‌بات و تێكوشینا پێشمه‌رگه‌یی، ئه‌ڤرۆ هاته‌ دروستكرن و خودان پێگه‌هـ و ناڤین، و به‌ره‌ف وێستگه‌ها ئازادی و سه‌ربه‌خویێ‌ ڤه‌ دچین.
پاشان د سمینارا خودا به‌رپرسێ‌ لقێ‌ ئاماژه‌ دا پرسا ریفراندۆمێ‌ وه‌كو ده‌ستكه‌فت و پرۆژه‌كێ‌ نشتیمانی و دیاركر دڤێت هه‌می ده‌نگ و ره‌نگ بكه‌ڤنه‌ د خزمه‌تا سه‌رئێخستنا ڤێ‌ پروسێ‌ دا بو هندێ‌ وه‌كو هه‌ر ملله‌ته‌كی ب ئازادی و سه‌ربه‌خویی بژین و ببینه‌ خودان ناسناما خویا یا كوردستانی، هه‌روه‌سان سه‌ربه‌ست تروانشی دیاركر ئه‌ڤرو وه‌لاتێ‌ مه‌ بچیكترین مافێ‌ خو ژمه‌ دخازیت ئه‌وژی ده‌نگێ‌ به‌لێ‌ یه‌ ل روژا (25/9) له‌ومان دڤێت ب ئه‌داكرنا ئه‌ركێن خو به‌رامبه‌ری وه‌لاتێ‌ خو رابین و گیانێ‌ شه‌هیدان ئارام كه‌ین و پێكڤه‌ كاربكه‌ین ژبو زێده‌كرنا ده‌نگێن ((به‌لێ‌ بو ریفراندومێ‌ به‌لێ‌ بو سه‌ربه‌خوییا كوردستانێ‌)).

 

نەڤ بابەتە (8) جارا هاتيە خواندن

کومینت هاتیە گەرتن.

إلى الأعلى