نووترين نووچه
دەستپگ / كوردستان / ب هه‌لكه‌فتا 11 ئه‌یلولێ لقێ ئێك به‌یاننامه‌یه‌ك به‌لاڤكر

ب هه‌لكه‌فتا 11 ئه‌یلولێ لقێ ئێك به‌یاننامه‌یه‌ك به‌لاڤكر

لقا ئێك:

لقا ئێك یا پارتی دیموكراتی كوردستان ل ب هه‌لكه‌فتا 11 ئیلولێ به‌یاننامه‌یه‌ك به‌لاڤكر ئه‌ڤا خوارێ ده‌قی وێ یه‌

پارتى دیموكراتى كـوردستان
لقێ ئێك
به‌یاننامه‌ ب هه‌لكه‌فتا شۆره‌شا (11)ى ئه‌یلۆلێ
ل 11ێ ئه‌یلۆلا سالا (1961)ێ، ب ئیرادا گه‌لێ كورد و ب رێبه‌رایه‌تیا بارزانیێ نه‌مر، مه‌زنترین شۆره‌شا نیشتیمانى و نه‌ته‌وه‌یى د دیرووكا كوردستانێ دا به‌رپا بوو، و ئه‌ڤ شۆره‌شه‌ ب ده‌سپێكا قووناغه‌ك نوى یا خه‌باتا گه‌لێ كوردستانێ دهێته‌ هژمارتن.
شۆره‌شا ئه‌یلۆلێ، دبارودوخه‌ك دژواردا شیا رێزێن خۆ رێك بێخیت و هه‌مى پێكهاتێن كوردستانێ بێى جوداهى دناڤ خۆ دا هه‌مبیز بكه‌ت و به‌رگریێ ژ ماف و هه‌بوونا وان بكه‌ت.
شۆره‌شا ئه‌یلۆلێ شۆره‌شا خۆراگرى و به‌رخودان و ڤه‌ژاندنا كوردایه‌تیێ بوو، د سه‌نگه‌رێن خه‌باتێ دا هزاران شه‌هید و قوربانى هاتنه‌ دان و پێشمه‌رگێن قاره‌مان سه‌دان داستانێن مه‌زن دژى داگیركه‌رێن رژێمێن ئێراقێ تۆمار كرن، د ئه‌نجامدا حكومه‌تا ئێراقێ نه‌چار بوو، په‌نا ببه‌ته‌ به‌ر دانوستاندنێ دگه‌ل سه‌ركردایه‌تییا شۆره‌شێ، دڤێ شۆره‌شێ دا مه‌زنترین ده‌ستكه‌فتێن سیاسى ب ده‌ستڤه‌ هاتن ئه‌و ژى رێكه‌فتنا (11)ى ئادارا سالا (1970)ێ بوو، كۆ حكومه‌تا ئێراقێ ب فه‌رمى دانپێدان ب مافێ ئۆتۆنۆمى كر. ئارمانجێن شۆره‌شا ئه‌یلۆلێ نه‌بتنێ دابینكرنا مافێن ره‌وایێن ملله‌تێ كورد بووینه‌ به‌لكى دابینكرنا ئاشتى و دیموكراسیا هه‌مى گه‌لێ ئێراقێ بوویه‌، شۆره‌شا ئه‌یلۆلا مه‌زن ل سه‌ر ئاستێ جیهانێ ژى، شیا دۆزا ره‌وایا گه‌لێ كورد بده‌ته‌ نیاسین.
شوره‌شا ئه‌یلولێ و قوربانیدانا خه‌لكێ كوردستانێ بناغێ ئازادى و سه‌روه‌ریا ئه‌ڤرویه‌ و كوردستان گه‌هاندیه‌ قوناغا ریفراندومێ به‌ره‌ف ده‌وله‌تبونێ.
ل ده‌مه‌كێدا یادا 56 سالیا شۆره‌شا ئه‌یلۆلێ ساخ دكه‌ین كو ئه‌م گه‌لێ كورد به‌ره‌ڤ ئه‌نجامێن وێ كه‌د و خه‌باتێ ڤه‌ دچین، كۆ بخۆ بریارێ ل سه‌ر چاره‌نڤیسێ خۆ بده‌ین و ب ده‌نگێ (به‌لێ) د ریفراندۆما سه‌رخۆبوونێ دا به‌رسڤا خوینا شه‌هیدان بده‌ین، ئێدی به‌ره‌ڤ ئازادییا ئێكجارى بچین و ده‌وله‌تا خۆ كۆ خه‌ونا گه‌لێ مه‌یه‌ رابگه‌هینین.
ب ڤێ هه‌لكه‌فتێ سلاڤ بۆ گیانێ پاكێ شه‌هیدێن كورد و كوردستانێ و سه‌ركێشێ وان بارزانیێ نه‌مر و ئدریسێ هه‌رده‌م ساخ. سلاڤ بۆ ته‌ڤایا پێشمه‌رگه‌ یێن ئه‌ڤرۆ د سه‌نگه‌رێن پاراستنا ئاخا كوردستانێ دا و پێشمه‌رگێن قه‌هره‌مانێن شۆره‌شا ئه‌یلۆلێ و گولانێ.

لقێ ئێك

پارتى دیموكراتى كوردستان

نەڤ بابەتە (1) جارا هاتيە خواندن

کومینت هاتیە گەرتن.

إلى الأعلى