نووترين نووچه
دەستپگ / جیهان / سه‌رۆك بارزانی:ریفراندۆم ل ده‌مێ خو یێ دیاركری هێته‌ ئه‌نجام دان

سه‌رۆك بارزانی:ریفراندۆم ل ده‌مێ خو یێ دیاركری هێته‌ ئه‌نجام دان

اقا ئێك:

سه‌رۆكێ هه‌رێما كوردستانێ ل هه‌ولێرێ پێشوازی ل ئه‌میندارێ گشتی یێ كومكارا عه‌ره‌بی و شانده‌كێ هه‌ڤالبه‌ندكر.

ددیداره‌كێ دا ئه‌حمه‌د ئه‌بو غه‌یت ئه‌میندارێ گشتی یێ كومكارا عه‌ره‌بی په‌سنا رۆلێ هێزا پێشمه‌رگه‌ی كر ل شه‌رێ به‌رهنگاریا داعشێ و ئازادكرنا مووسلێ.

ئه‌حمه‌د ئه‌بو غه‌یت ئه‌میندارێ گشتی یێ كومكارا عه‌ره‌بی راگه‌هاند: ل بن  روناهیا به‌رسڤا سه‌رۆك بارزانی بۆ نامه‌یا وی، هایتنه‌ ژ نێزیك ڤه‌  ئاگه‌هداری ئاریشه‌یێن پاشه‌رۆژا هه‌رێما كوردستانێ و عیراقێ ل گه‌ل سه‌رۆك بارزانی شرۆڤه‌ بكه‌ین، گه‌هشتینه‌ وی ئه‌نجامی كو گه‌لێ كوردستانێ بهێته‌ پاراستن و ده‌لیڤه‌یه‌ك بهێته‌ دان كوردستان و عیراق پێكڤه‌ بژین .

مه‌سعود بارزانی سه‌رۆكێ هه‌رێما كوردستانێ هه‌مبه‌ر دا دیاركر زێده‌باری نه‌بوونا چه‌ك و ره‌وشا نه‌باشا دارایی یا پێشمه‌رگه‌ی ب خوینا خو ئه‌فسانه‌یا داعشێ شكاند و بۆ گه‌لێ كوردستانێ بۆ جهێ شانازیێ.

سه‌رۆك بارزانی ئه‌و چه‌نده‌ ژی دیاركر ریفراندۆم بریاره‌كا تاك كه‌سی نینه‌ و ب ساناهی نائێته‌ پاش خستن به‌لكو بریارا خه‌لك و هێزێن سیاسی یێن كوردستانی یه‌ .

سه‌رۆكێ هه‌رێما كوردستانێ دوپاتكر لگۆری ئه‌زموونێن شكه‌ستن خواری یێن ل قوناغێن جودا جودا و نه‌بجهكرنا هه‌ڤپشكی و بنپێكرنا دستور و رێكه‌تنامه‌یان، باوه‌ری دناڤبه‌را هه‌رێما كوردستانێ و عیراقێ نه‌مایه‌ له‌ورا گه‌لێ كوردستانێ بریارا ریفراندۆمێ دا، ریفراندۆم ل ده‌مێ خو یێ دیاریكری دا هیته‌ ئه‌نجام دان و گه‌لی كوردستانێ ب ئامرازێن ئاشتیانه‌ و دانوستاندنێ مافێن خو مسۆگه‌ر كه‌ین.

 

نەڤ بابەتە (0) جارا هاتيە خواندن

کومینت هاتیە گەرتن.

إلى الأعلى