نووترين نووچه
دەستپگ / كوردستان / سه‌ربه‌ست تروانشی: ره‌ڤه‌ندا كورد هێزه‌كا مه‌زنن بۆ سه‌ركه‌فتنا ریفراندۆمێ‌

سه‌ربه‌ست تروانشی: ره‌ڤه‌ندا كورد هێزه‌كا مه‌زنن بۆ سه‌ركه‌فتنا ریفراندۆمێ‌

لقا ئێك:

ناڤه‌ندا هونه‌رمه‌ندێن ئێزدیخان ل ئه‌وروپا ژبو دیاركرنا پشته‌ڤانیا خو بۆ سه‌ركه‌فتنا ریفراندۆما سه‌ربه‌خوییا كوردستانێ‌، ئه‌ڤرۆ رێكه‌فتی (9/9/2107) سه‌ره‌دانا لقێ‌ ئێكێ‌ پارتی كرن و ژلایێ‌ سه‌ربه‌ست تروانشی به‌رپرسێ‌ لقێ‌ ئێك ڤه‌ هاتنه‌ پێشوازی كرن.
د هه‌ڤدیتنه‌كێ‌ دا دگه‌ل سه‌ربه‌ست تروانشی، ناڤه‌ندا هونه‌رمه‌ندێن ئێزدیخان دیاركر مه‌ره‌م ژ سه‌ره‌دانا وان بۆ هه‌رێما كوردستانێ‌ پشته‌ڤانیكرنه‌ بۆ سه‌رئێخستنا ریفراندۆمێ‌ و هه‌روه‌سان هونه‌رمه‌ندێن ناڤبری ئاماده‌ییا خو بۆ گێرانا كونسێرتێن هونه‌ری ژبو بانگه‌شه‌یا ریفراندۆمێ‌ وه‌كو خوبه‌خش دانه‌ دیاركرن و ب ئه‌ركه‌كێ‌ پیروز ل سه‌ر مللێت خو دانه‌ زانین.
ژلایێ‌ خوڤه‌ سه‌ربه‌ست تروانشی، په‌سنا رول و هه‌ستێ‌ ناڤه‌ندا هونه‌رمه‌ندێن ئێزدیخان و ره‌ڤه‌ندا كورد كر ل ئه‌وروپا و دیاركر ره‌ڤه‌ندا كورد ده‌نگێ‌ خو ژ بو پشته‌ڤانیكرنا پرسا سه‌ربه‌خویا هه‌رێما كوردستانێ‌ ب هه‌ستێن بلندێن نه‌ته‌وه‌یی نیشاندایه‌ و په‌یاما خه‌لكێ‌ كوردستانێ‌ گه‌هاندینه‌ وه‌لاتێن جیهانێ‌، هه‌روه‌سان به‌رپرسێ‌ لقێ‌ دا زانین ریفراندوم ئامرازه‌كێ‌ ئاشتیانه‌یه‌ ژبو دیاركرنا مافێ‌ چاره‌نڤیسێ‌ گه‌لێن جیهانێ‌ و خه‌لكێ‌ هه‌رێما كوردستانێ‌ ژی ده‌ستبه‌رداری ڤی مافی نابیت.

نەڤ بابەتە (5) جارا هاتيە خواندن

کومینت هاتیە گەرتن.

إلى الأعلى