نووترين نووچه
دەستپگ / Facebook / وه‌زیرا ده‌رڤه‌ و وه‌زیرێ به‌ره‌ڤانی فه‌ره‌نسا سه‌ره‌دانا هه‌رێمێ دكه‌ن

وه‌زیرا ده‌رڤه‌ و وه‌زیرێ به‌ره‌ڤانی فه‌ره‌نسا سه‌ره‌دانا هه‌رێمێ دكه‌ن

لقا ئێك:

ژان ئی لو دریان وه‌زیرا ده‌رڤه‌ و فلورانس پارلی وه‌زیرێ به‌ره‌ڤانیا فه‌ره‌نسا گه‌هشته‌ به‌غدا و ل گه‌ل به‌رپرسێن مه‌زنێن عیراقێ جڤیا پاشی سه‌ره‌دانا هه‌رێما كوردستانێ دكه‌ن.

هه‌ردو وه‌زیران پشتی جڤینی ل گه‌ل حه‌یده‌ر عه‌بادی سه‌رۆك وه‌زیرێ عیراقێ ل گه‌ل به‌رپرسێن دی ل به‌غدا دجڤن و پشای لگۆری میدایێن فه‌ره‌نسا سه‌ره‌دانا هه‌رێما كوردستانێ و ل گه‌ل مه‌سعود بارزانی سه‌رۆكێ هه‌رێما كوردستانێ كۆمدبن

سه‌ره‌دانا ئه‌ڤان دو وه‌زیرێن فه‌ره‌نسا پشتی سه‌ره‌دانا جیم ماتیس وه‌زیرێ به‌ره‌ڤانیا ئه‌مریكا دهێت بۆ عیراقێ و هه‌رێما كوردستانێ.

به‌ریا ده‌ستپێكرنا گه‌شتا وان بۆ عیراقێ جان ئیڤ لودریان دناڤ فرۆكه‌یێ بۆ رۆژنامه‌ڤانان راگه‌هاند:ئه‌ڤه‌ قۆناغه‌كه‌ دناڤبه‌را دوماهیا شه‌ره‌كی و ده‌ستپێكرنا جیگیركرنا ره‌وشیێ و دوباره‌ ئاڤه‌دانكرنێ یه‌.

فه‌ره‌نسا ئیكه‌ ژ وان وه‌لاتێن مه‌زنێن كو پشكدار ل هه‌ڤپه‌یمانیا نێڤ دوله‌تی ل دژی داعشێ پشتی ئه‌مریكا، دهیته‌ چاڤه‌رێكرن هه‌ڤكاریو هه‌ماهه‌نگی ل گه‌ل حكوومه‌تا عیراقێ ده‌ربارێ پاراستن و ئاسایشێ به‌رده‌وام دبن.

بریاره‌ ئه‌ڤرۆ ژان ئیڤ لودریان وه‌زیرا ده‌رڤه‌یا فه‌ره‌نسا و فلورانس پارلی وه‌زیرێ به‌ره‌ڤانیا فه‌ره‌نسا ژ به‌غدا بگه‌هنه‌ هه‌ولێرا پایته‌ختێ هه‌ریما كوردستانێ ول گه‌ل سه‌رۆكێ هه‌رێما كوردستانێ كۆم ببن.

ئارمانجا سه‌ره‌دانا هه‌ردو وه‌زیران ئوه‌ سوپاسیا هێزا پێشمه‌رگه‌ و گه‌لێ كوردستانێ و دربرینا پشته‌ڤانیا فه‌رنسا بۆ حكوومه‌تا هه‌رێما كوردستانێ و پێشڤه‌برنا په‌یوه‌ندیێن هه‌ولێرێ و فه‌رنسا.

 

 

نەڤ بابەتە (1) جارا هاتيە خواندن

کومینت هاتیە گەرتن.

إلى الأعلى