نووترين نووچه
دەستپگ / گووتار / پاپۆرا كوردینیێ

پاپۆرا كوردینیێ

شێرزادێ شێخه‌سنى

Capture2

كورد د گه‌میڤانیا ده‌ریایى دا گه‌له‌ك د كێمن و پیشه‌كا ب زه‌حمه‌ته‌، چونكو قه‌ده‌را وێران چو ده‌ریایێن مه‌زن د نه‌خشه‌یا كوردستانێ دا نه‌داناینه‌، ژ به‌ر هندێ سه‌ربۆرا ئاڤێ بوویه‌ سه‌ربۆرا چه‌ل و چیا،

دهه‌مى زانستیێن جوگرافى دا، ئاڤ ئێكه‌م فاكته‌رێ ب هێزبوونا وى وه‌لاتى یه‌، وه‌كو سنۆره‌كێ سروشتى و هه‌ر وه‌سا وه‌كو فاكته‌ره‌كێ ساناهی هنارده‌كرنا به‌رهه‌مێن خومالى و گه‌شه‌كرنا ئابوورێ خوه‌،

دبیت ئه‌ڤه‌ ئێكه‌م سه‌ده‌م بیت،

كو ده‌وله‌تێن زلهێز ل رۆژا گۆینێ غه‌در ل مه‌ كوردا كری!، چونكو ئه‌م هه‌ر یێن سه‌حدكه‌ینێ چو كێماسى ل مه‌ نین ومه‌ و قوسیرى نه‌كرینه‌، ژ بلێ چاكیێ ئه‌ڤه‌ و زێده‌بارى هنده‌ك سه‌ده‌مێن دى یێن بابه‌تیانه‌،

كو پرانیا وان ژى دچنه‌ د خاناوێ چاكیێ دا، مه‌ره‌م چاكی ب عاتیفه‌ بوویه‌ ره‌نگڤه‌دانه‌كا به‌ره‌ڤاژى.پشتى ئه‌ڤان ساله‌ها سالێن سته‌م و زیان و ده‌رده‌سه‌ریان، ئه‌ڤرۆ ئه‌م گه‌هشتینه‌ دووماهى قووناغ كو ئه‌و ژى گشتپرسی یه‌، یانژى ریفراندۆم، ئه‌ڤه‌ ژى هێشتا كه‌دا وى به‌رهه‌مى یه‌ یێ بارزانیێ نه‌مر هاڤێتیه‌ زه‌ڤیا كوردینێى كو ئێكه‌م پێنگاڤ ئه‌و بوو یا حوكمێ ئۆتۆنۆمى ژ بال عیراقا جاران ڤه‌، كو ب هێز و ئیرادا خوه‌ و شۆره‌شێن ل دووڤ ئێك حوكمه‌تا سته‌مكار نه‌چار كری، وى مافى بده‌ت، ئه‌ڤه‌ ئه‌و به‌ره‌پێدانه‌ هێشتا، هه‌كه‌ ئێكى دى هه‌بیت ئه‌ڤێ ره‌ت بكه‌ت، بلا كه‌رمكه‌ت. ڤێ ریفراندۆمێ ژى زانایه‌ك پێدڤێت، ئه‌و زانین و میراتێ وێ حونكه‌یا زانینێ مه‌سعوود بارزانى ب ستویێ خوه‌ ڤه‌گرتیه‌ و ملێ خوه‌ دایه‌ به‌ر، كى دى ژ بلى وى مه‌جاهلێن وێ ده‌ریایێ دزانیت!!. كه‌نكى پێل دهێن، بۆ كیژ ره‌خى ڤه‌، ستێرنێ قوپتانى بهاژۆت، كیژ ده‌مى شیراعان راكه‌ت دا بارۆڤه‌ و با بۆ وى لایه‌نێ ببه‌ت، ئه‌رێ به‌له‌مێن قورتالكرنێ و چۆپ دچاوانه‌، خودانێ ده‌رسۆكا سۆر یێ دهاژۆت، ده‌رسۆكا شه‌ره‌فێ، جه‌مه‌دانیا شۆره‌شێ، نانێ ره‌ق و ته‌ق ل پێش چاڤێن من خاریه‌ و ل به‌رۆكێن شه‌رى، ل سه‌ر به‌رێن ره‌ق و ته‌ق روونشتیه‌، قوپتانه‌كێ زانا د بیاڤێ ستراتیژى دا، ئه‌لغامێن كه‌ربوكینێ ب په‌لگازكا بارزانیزمێ رادكه‌ت، تبلێن خۆ نا سۆژیت، هه‌ڤكارێ سه‌رۆكێن هه‌مى چه‌رخان بوو، ژ نیكا كى دێ به‌رسنگێ وى گریت؟!، كرێدارێن ئیرانێ ژى ب مه‌شقا وێ هاتینه‌، به‌لێ هندى روودان د زۆر و مشه‌ بوون، تاقیگه‌ كه‌فتنه‌ د ده‌رازینك و مه‌زه‌لێن مه‌ یێن نڤستنێ و ل سه‌ر فه‌یسبۆكا مه‌ زمانێ هه‌میان زانى، كو ئه‌ڤا ئه‌و هه‌ڤدژیێ دكه‌ن، نه‌ك ژ ناخێ وانه‌، به‌لكو پیشه‌یه‌ و رۆتینه‌. هه‌مى ده‌رگه‌ه ل به‌ر ئه‌زماندرێژێن كرێدار هاتینه‌ گرتن، به‌لێ یا مای ب ئاشكرایى بێژن: كه‌ربا مه‌ ده‌وله‌ته‌ و سه‌رۆكه‌!!. به‌لێ رۆژه‌ك دێ هێت و مه‌رجه‌ع دێ بیته‌ مه‌رجه‌ع و شاهێ ئیرادا ڤى ملله‌تێ بنده‌ست و هه‌ژار.. ئه‌م دێ چینه‌ د پاپۆرا نۆحى دا، چ هات و چ چوو، قوپتانێ گه‌میا ریفراندۆمێ نیشا مه‌ دا ب گیانێ پێشمه‌رگاتیێ كو مرۆڤ بلا دیكلێ رۆژه‌كێ بیت، نه‌كو مریشكا جیرانان، ئها ب ڤێ گۆتنێ ده‌ڤێ گه‌له‌كا دێ هێته‌ گرتن ئه‌وێن ب به‌ژن و بالا نه‌خیریێ دبێژن، نه‌خێر هه‌ر نێگه‌تیڤه‌ ره‌شه‌ و به‌لێ هه‌ر ئه‌گتیڤه‌ سپى یه‌!!، هه‌كه‌ سپى نه‌بی ره‌ش ژى نه‌به‌ هه‌ما چاره‌نڤیسێ ته‌ خۆلیكى بیت باشتره‌!!. دا سوبه‌هى شه‌رم ژ ملله‌تى نه‌كه‌ت.

دێ بهاژۆ بابێ كوردینیێ، خودانێ كۆما كلۆخێن شه‌هیدان، زه‌لامێ رۆژێن سه‌خت، عاشقێ سه‌نگه‌را و نانێ ره‌ق و ته‌ق ل وه‌لاتێن بیانى.. به‌لێ یا ته‌ ب شه‌كربیت.. به‌لێ و له‌بێ.

نەڤ بابەتە (234) جارا هاتيە خواندن

کومینت هاتیە گەرتن.

إلى الأعلى