نووترين نووچه
دەستپگ / دیدار / د. مسلح سالح: رۆژی فەرزە و چ پەیوەندی ب ھەژاری و زەنگینیێ ڤە نینە

د. مسلح سالح: رۆژی فەرزە و چ پەیوەندی ب ھەژاری و زەنگینیێ ڤە نینە

بەری چەندەکێ سەرۆکێ ئێکەتیا جیھانی یا زانایێن ئیسلامێ د پێخەمەتا ئاشتیێ دا ب ناڤێ مستەفا راشد فەتوایەک دا کو رۆژی گرتن ل سەر زەنگینان فەرزە و بۆ ھەژاران ژی خۆبەخشانەیە و خودێ دێ خێرێ بۆ نڤیسیت و ل سەر فەرز نینە، د ڤی واری دا خۆتبەخوینێ مزگەفتەکێ بۆ رۆژناما ئەڤرۆ دیار کر رۆژیگرتن فەرز و عەینە ھەر کەسەک موسلمان بیت و عاقل بیت و بالغ بیت بشێت رۆژیێ بگریت ل سەر فەرزە.
دەربارەی کەنگی رۆژیگرتن ل سەر مرۆڤی دبیتە فەرز ل جھـ و دەم و ھەژاری و زەنگینی، د.مسلح سالح دۆسکی خۆتبەخوین و ئیمامێ مزگەفتا گرێ باسێ گۆت: رۆژی ل سەر ھەمو و کەسان فەرزە و دڤێت بگریت ، لێ ھەکە رێنجبەرەک و پالەیەک ژیانا وی گرێدای وی شولێ رۆژێ بیت و کارێ وی یێ گرانە و ھەکە نەچیتە کاری دێ مەحتل بیت و نەشێن زارۆیێن خوە خودان بکەت، دبێژینە وی دێ سپێدێ ژ مال دەرکەڤی ب رۆژی و ئنیەتا رۆژیگرتنێ ھەردەمێ نەشیای و تە پێ چێ نەبوو رۆژیا خوە تەمام بکەی دێ رۆژیا خوە خۆی، چونکی ئەو ژ وان کەسانە ھەکە شول نەکەت ژیانا وی برێڤە ناچیت، زانایێن ئیسلامێ بۆ ئەوی کەسێ ھوسا گۆتیە، بەس رامانا وێ ئەو نینە ھەر کەسەک رابیت ب ھێجەتا کارکرنێ رۆژیا بخۆت.
د.مسلح سالح ل دۆر فەتوادانا رۆژی نەگرتنا ھەژاران دیار کر، رۆژی گرتن عیبادەتەکێ بەدەنی یە و چ پەیوەندی ب مادەی و پارەی و مالی ڤە نینە و مرۆڤی پارە ھەبن رۆژی فەرز بیت و نەبن فەرز نینە ئەڤە نەیا دروستە و رۆژیگرتنێ پەیوەندی ب ساخلەمیا مرۆڤی ڤە گرێدایە و یێ باش بیت، نەخۆش و مسافر نەبیت دێ رۆژیێ گریت، مرۆڤێ نەخۆش نا گریت، چونکی دێ رەوشا وی خراپتر لێ ھێت ئەوی ژی دەمێ نۆشدارەکێ تایبەتمەند و یێ موسلمان بێژیت رۆژیێ نەگرە و باشترە گوھداریا نۆشداری بکەت.
ناڤبری گۆت ژی “رۆژی گرتن و پارە چ پەیوەندی ب بەریکا مرۆڤی ڤە نینە و چەند بۆ مرۆڤی دھێت و مووچە چەندە ئەڤ بابەتە نە دوور و نەنێزیک پەیوەندی ب رۆژیێ ڤە نینە و مرۆڤێ ھەژار و زەنگین دێ ب رۆژی بن، کەسەک ب ناڤێ ئاینی کو فلان کەسە یان فلان زانایە تشتەکی بێژیت و ل ئەڤی سەردەمی تشتێن غەریب و عەیجیب دەردکەڤن ل جیھانا ئیسلامی، دڤێت کەسێ موسلمان گوھداریا ئەوان گۆتنان نەکەت ئەڤجا ئەو کەس چ کەس بیت ، چ بنەمایەکێ دینی بۆ نینە و ئەو چەندە بەس تێکڤەدانەکە و رەوشا موسلمانان تێک دشێلن و بەلاڤ دکەن و دبیت ئەو تشت و گۆتنێن ھەنێ گەلەک جاران دھێنە دروست کرن بۆ تێکدانا ھزرا موسلمانان و پێڤە بھێنە مژوولکرن، چ مەلا و زانا و ئیمام و پرتووکێن ئاسمانی و مەزھەبان نەگۆتیە و ل دەمێ ئیسلام ھاتی و ھەتا نھا ئێک زانای و ئێک مەلایی نەگۆتیە رۆژیگرتنێ پەیوەندی ب پارەی و بەریکێ ڤە ھەیە و چەند پارە و داھاتێ تاکەسی یێ مرۆڤی چەندە”.
پشت بەستنا وێ فەتوایا ھاتیە دان ئەوە کو سورەتا بەقەرە و ئایەتا 184 یە ئەڤ پشت بەستنە چەندا دروستە، د.مسلح سالح دۆسکی خۆتبە خوین و ئیمامێ مزگەفتا گرێباسێ گۆت “خەلەتە و نەراستە و نەشرۆڤەکرنەکا د جھێ خوە دایە بۆ فەھمێ قورئانێ، ب دروستی ژ نەسا قورانێ تێ نەگەھشتی یە و تێگەھشتنەکا دوورە گەلەک ژ راستی و جوانیا رامانا قورئانێ و رێزمانا عەرەبی و گۆتنێن پێغەمبەری و ھەڤالێن وی، ھەروەسا چ بنەما بۆ وێ گۆتن و فەتوادانا وی نینە و دوور ژ راستی و تێکدان و بەرزەکرنا کەسێ موسلمانە”.

 

نەڤ بابەتە (8) جارا هاتيە خواندن

کومینت هاتیە گەرتن.

إلى الأعلى